Press Release of Governor

​75th Independence Day(2021) puala Mizoram Governor Brig(Dr) B.D. Mishra thuchah tawi

Mizoram mipui duhtak te,

Chibai,

In India ram zalena ni vawi 75-na hun lawmawm takah hian Mizoram dung leh vanga khua leh tui duhtak te duhsakna chibai ka buk a che u. He hun pawimawh takah hian kan zalenna atana theihtawp chhuahtu mi tam tak te inpekna ropui takah kan lawm a. Kan tana an thil tih ropui tak te i hre thar leh ang u. Vawiinah hian kan tana an nunna hial hlantute chawimawina sang ber kan hlan a, zahna chibai kan buk a ni. Hlim leh lawm takin kan ram zalenna ni vawi 75-na kan hmang mek a. Tunah phei chuan khawvela mipui duhdana rorelna ram lian ber kan ni ta hial a; kan in chhuang em em a ni.

Kan Hnam Pa Mahatma Gandhi hmalakna chhunzawm zelin kan Prime Minister Narendra Modi chuan ram mipui te chu kan zavaia huapzo hmasawnna leh inrintawkna min pe mek a. Prime Minister Narendra Modi kaihhruaina hnuaiah India chu khawvela ram hausa, hmasawn leh sawrkar chak zingah a tel mek a. Kan ram hi hmasawn ber te zinga mi leh ram ropui tak tak te zah kai a ni tawh a ni.

Kan ram innghahna thupui chi ‘mi chi hrang hrang awm kawm te inpumkhata chen ho dial dial’ tia kan sawi thin leh kan nunpui mek chu tun hun harsa kan tawh mekah hian a pawimawh zia kan hmu chiang hle a. COVID-19 hrileng avangin khawvelin harsatna kawng tinrengah a tawk mek a. Mizoram pawhin he harsatna hi kan hmachhawn mek a ni.

Mahse kan Prime Minister Shri Narendra Modi leh Chief Minister Pu Zoramthanga te finna leh hmalakna chak tak avangin kan zam lova; theih tawp kan chhuah mek a ni. Vawiinah hian Covid-19 hrileng dona kawnga thawktu pasaltha te, sawrkar hnathawk te, damdawi lam mithiam leh thawktute bakah tlawmngai pawl, khawtlang hruaitute leh kohhran hruaitute zawng zawng te an hnathawh that em avangin ka chhuang tak zet a. Kan zavaia tanrual na hi kan chakna a nih avangin he hrileng donaah hian hnehna kan chan ngei ka ring tlat a ni.

Mithiam Albert Einstein-a chuan, “Harsatna karah hian kan tana hun remchang a lo inherchhuak thin”, tih a lo sawi tawh a. Hetiang chiah hian he harsatna hi kan Prime Minister Narendra Modi chuan thiam takin kan ram intodelhna thawh chhuah nan a lo hmang hlauh thung a ni. Intodelhna na kawngah hian kan state hi tan lak kan ngai tih kan hre theuh awm e. Tuna kan harsatna tawh mekah hian hmasawnna leh hlawhtlinna thar thawh chhuah kan tum ngei ngei turah ka ngai bawk a ni.

Vawinah hian Olympic hnuhnungberah khan India ram aiawh infiammite an che tha tih kan hre theuh awm e. He an hlawhtlinna ropui takah hian lawmpuina leh duhsakna ka hlan a. A bik takin kan Mizo nula chhuanawm tak, Indian Women’s Hockey Team a pawimawh ber pakhat Nula Lalremsiami chuan ropui taka Tokyo Olympics Semi Final a khelh avangin ka chhuang tak zet a ni.

Vawiinah hian kan ram zalenna ni vawi 75-na kan lawm a. He hunah hian kan zalenna sualtute duhdan leh hmathlir te ti hlawhtling turin kan zavaiin in hlan thar leh theuh turin kan in chah a. Kan inpumkhatna leh zaikhata kan luan hona hi vawng nung chhunzawm zel turin kan theihna zawng zawng hmang chhunzawm turin kan in ngen nawn leh bawk a ni.

Independence Day hlim taka hmang turin duhsakna ka hlan a che u.

Ka Lawm e

Jai Mizoram !

Jai Hind !

Written by: Malsawmsanga, MIS, Deputy Director Dated: 13th Aug 21