Press Release of Governor

​BHARAT RURAL LIVELIHOODS FOUNDATION HOTU TEN GOVERNOR KAWM - 29th march 2016

BHARAT RURAL LIVELIHOODS FOUNDATION HOTU TEN GOVERNOR KAWM

 

Aizawl 29th march 2016:  Vawiin chawhma khan Raj Bhavan-ah Mizoram Governor Lt Gen Nirbhay Sharma (Retd.) leh thingtlang mite eizawnna kawng kawhmuh tura Central sawrkar in society a din, Bharat Rural Livelihood Foundation(BRLF) hotute an inkawm.

Governor Lt Gen Nirbhay Sharma (Retd.) chuan BRLF hmalakna leh thiltum te chu State Flagship Programme NLUP nena inang tak anih thu sawiin BRLF chuan Mizoram sawrkar leh tlawmngai pawl te thawhpui thei se a duh thu BRLF hotute nen an inkawmnaah hian a sawi a.Mizoram-ah tlawmngai pawl hrang hrang ten sawrkar an thlawp that thu leh state mipui te hmasawnna tura an thawh hlawk thu Governor Lt Gen Nirbhay Sharma (Retd.) chuan BRLF hotute chu a lo hrilh a. BRLF in Mizoram tana hmachhawp a neih pawh in tlawmngai pawl te thawhho pui se a duh thu a tarlang in Central Agriculture University , Selesih pawh key partner ah hman ni se a tangkai tur thu Governor chuan BRLF hotute chu a lo kawhmuh a ni.

BRLF team hi Lt Gen DB Shekatkar, Board Member, BRLF leh Lt Gen VM Patil, Board Member, BRLF ten an rawn hova. Meeting ah hian Mizoram an rawh tlawh chhan te, Chief Secretary bakah Mizoram sawrkar thuneitute an kawm tawh chung chang Pu Zulfiqar Haider, CEO, BRLF chuan Governor chu hrilh in Mizoram chhunga thingtlang mite tan BRLF chu hman tangkai theih a nih thu a tarlang a. Thingtlang mite hmasawnna atan a BRLF hmalakna te tarlang in Mizoram a thingtlang a cheng ten eizawnna kawngdik an hriat theih nan an theihna leh thiamna te thawh ve an inhuam thu BRLF Board member te chuan an sawi a ni.

WRITTEN BY MALSAWMSANGA, MIS, PIO TO GOVERNOR, DATED: 29TH MARCH 2016