Press Release of Governor

GOVERNOR IN DR. SILVERA, EX-UNION MOS CHHUNGTE TLAWH - 12th April 2016

GOVERNOR IN DR. SILVERA, EX-UNION MOS CHHUNGTE TLAWH

Aizawl 12th April 2016: Vawiin chawhnu ah khan Governor Lt Gen Nirbhay Sharma (Retd.) chuan April 10, 2016 a vuiliam tak, Union Minister of State hlui, Dr. C.Silvera zahna lantir in a chenna in Tuikhuahtlang ah a tlawh a. He hunah hian a kalsan tak a nupui fanau te hnenah Mizo tihdan pangai in ralnu sumfai a hlan.

Pi Lawmzuali, Dr.C. Silvera, Union MOS hlui nupui leh a fate’n Governor Lt Gen Nirbhay Sharma (Retd.) chu lo dawng sawngin an chhungkaw chanchin te an lo hrilh a. Union Minister of State hlui chhungte nena an inkawmna ah hian Governor chuan Dr. C. Silvera chu mi bik, chhungkaw pa nih tlin leh entawntlak nia a lo hriat tawh thin thu sawi chhuak in mimal taka a ui thu a sawi a.

Nimin ah khan Dr.C.Silvera chhungte hnenah Governor Lt Gen Nirbhay Sharma (Retd.) chuan a tuarpuina leh a uina thu a lo thawn tawh a. He lehkhathawn ah hian Dr.C. Silvera, Mizo pa zinga Member of Parliament nihna chelh rei ber, Mizo zinga Union Minister of State hmasaber leh la awm chhun, Serkawn Christian Hospital a Medical Superintendant hmasaber ni bawk, thihna chu a chhungte tan bakah Mizo mipui te tan channa nasa tak a ni tih a in ziak a. Dr. C.Silvera chu tunlai Mizoram politics entu khawnvar engtak a ni tih leh a hnathawh ropui tak te avangin, Mizo ten amah awm tawh lo mahse, hruaitu ropui tak a ni tih an theihnghilh ngai tawh loving tih tarlan a ni.

WRITTEN BY MALSAWMSANGA, MIS, PIO TO GOVERNOR, DATED: 12TH APRIL 2016