Press Release of Governor

​Governor in National Education Policy 2020 chungchangah mithiamte kawm - 2nd September 2020

Aizawl, the 2nd September 2020: Vawiin chawhma khan Governor P.S. Sreedharan Pillai chuan Raj Bhavan-ah Education lama Mithiam rualte lengluta sawmin National Education Policy 2020 chungchang a sawipui.

Governor hoa Premiminary Meeting on the role of National Education Policy, 2020 neih takah hian Prof. K.R.S. Sambasiva Rao, Vice Chancellor, Mizoram University chuan National Education Policy, 2020 kalpui dan tur leh a thil tum te Powerpoint Presentation hmangin a sawi fiah a. Mizoramin kan hman theih dan tur, siam rem ngai leh harsatna kan hmachhawn theih dan tur te sawifiahna hun Prof. Laltanpuia, Addl. Director, H&TE leh Prof. C.Lalremruata, J.Thankima College te hnen atangin ngaihthlak a ni a. State sawrkar anga hmalakna chungchangte Pu Biaktluanga, Commissioner & Secretary, H&TE in a sawi a. Prof. J.K. Patnaik, Pro Vice Chancellor, MZU leh Dr C. Dothanga, Acting Vice Chancellor, ICFAI University, Mizoram ten thu an sawi bawk a ni.

Ruahman lawk ang chuan Karleh Thawhtanni( 07.09.2020) khian President Ram Nath Kovind chuan Video Conference kaltlangin State leh UT Governor te chu National Education Policy 2020 chungchang a sawipui dawn a. He hunah hian Prime Minister Narendra Modi pawh a tel dawn a; State tina Higher & Technical Education Minister te pawh tel vek tura beisei an ni.

Written by: Malsawmsanga, MIS, Deputy Director Dated: 2nd Sep 2020