Press Release of Governor

GOVERNOR-IN NECS HUMAN RESOURCE CONCLAVE A HAWNG - 5th June, 2015

GOVERNOR-IN NECS HUMAN RESOURCE CONCLAVE A HAWNG

Aizawl, the 5th June, 2015: Mizoram Governor Lt. General Nirbhay Sharma PVSM,UYSM,AVSM,VSM (Retd) chuan vawiin khan NECS Human Resource Conclave, Mizoram University a neih chu a hawng.

Governor chuan Human Resource Conclave a tel ve tura an sawmnaah lawmthu sawiin Mizoram University than chhoh zelna turah duhsakna a hlan a, Mizoram pawn atanga Conclave chhimtute pawh hun nuam tak leh hlawk thlak an tawn a duhsak thu hrilhin Human Resource chu resource zawng zawng zinga pawimawh ber anih avangin kan hriatchian a a tangkaina kan haichhuah belh zel a ngai a ni a ti a, eng anga hmanraw tha leh changkang pawh nei ila a enkawltu mihring te azir chauhin a tangkaina kan hmuchhuak thei dawn a ni a ti bawk.

Khawvel hun inher danglam ang zelin mihring thiamna kan chhawr tangkai dan leh kan mamawh dan te a danglam ve zel a, Prime Minister pawhin hei hi ngaipawimawhin programme pawimawh tak “Skilling India” alo kalpui tawh a, kawng hrang hranga thiamna bik nei kan chherchhuah tam hi kan ram hmasawnna atan leh ramchhunga Industry hrang hrangte hmasawnna atana thil pawimawh ber pakhat a ni a ti a, Human Resource chu mihring behchhan thil anih avangin kan nitin khawsak phung nen a inkaihhnawih lehzual bik tlat a, hnathawk kan nihna ah leh khua leh tui kan nihna a kan tih tur kan hriatchiana dik taka kan tih hi human resource hian a ken tel ngei ngei a ngai a ni a ti bawk.

Governor chuan Mizoram chu ziak leh chhiar thiam tam lamah kan sang hle a, kum tin zirlai lehkhathiam an chhuak reng a, eizawnna kawng dap turin an han pen chhuahin sawrkar hna in alo daih seng tawh thin si lova, chuvang chuan zirna in zawng zawng te hian zirlaibu piah lamah an damkhawchhuahna atana tangkai thiamna chi hrang hrang atan kawng kan buatsaih sak lawk thiam angai a ni tiin mi hnuaia thawk ringawt lova an hnuaia midangte chhawr thei tur khawpa thiamna nei tura chherchhuah kan tum a pawimawh a ni a ti bawk.

Prof. R. Lalthantluanga, Vice Chancellor, MZU pawhin thu sawiin Mizoram ah hian Industry kan nei lova, mahse tunah chuan inhriat pawhna a tha tawh a chuvangin company hrang hranga hnaruakte hnawhkhat thei turin kan thil zir kan bel a ngai a ni a ti.

He Conclave hi North Eastern Consultancy Services (NECS) leh Department of Management, MZU tangkawp buatsaih niin India ram Company hrang hrang atangin Conclave a tel tur hian an lo kal a ni.

Chawhnu lamah technical session neih a ni a. Hetah hian company hrang hrang atanga lokal ten presentation an nei a ni.

WRITTEN BY K. VANLALSANGI MIS, IPRO