Press Release of Governor

GOVERNOR IN RAJ BHAVAN WEBSITE SIAM THAT A HAWNG - 8th March 2016

GOVERNOR IN RAJ BHAVAN WEBSITE SIAM THAT A HAWNG

Aizawl 8th March 2016: Vawiin chawhnu ah khan Mizoram Governor Lt Gen. Nirbhay Sharma (Retd.) chuan Raj Bhavan, Mizoram website siamthat, rajbhavan.mizoram.gov.in chu internet kaltlanga en theih in a hawng.

Website hawnna ah hian Governor chuan Mizo thalai ten Information Technology Age ah midang te rual in hma an sawn tih a sawi a. Midang te aia thiam tur erawh chuan hmabak an la nei tih sawiin Raj Bhavan Website pawh hi Information Technology huang chhunga hmasawn mek Mizo thalaite zawng zawng Raj Bhavan in a chhuangin a thlawp tlat tih lan tir nan siam a ni a. Smart India boruak lo awm mek ah hian Smart Mizoram bakah smart office te kalpui tum ila Mizoram ah digital connectivity tha zawk a lo awm hunah Mizo thalai ten hlawkna kawng tam takah an nei ang a ti.

Raj Bhavan Website hi Information & Communication Technology(ICT) Department a Engineer ten siam tha in hetah hian Raj Bhavan chanchin, Governor ni mek leh Governor lo ni tawh te chanchin bakah information pawimawh te dah a ni a. Raj Bhavan a hnathawk te phone number te bakah thil pawimawh a Governor hmu duhte tana hriatur pawimawh pawh la dah belh tum a ni.

WRITTEN BY MALSAWMSANGA, MIS, PIO TO GOVERNOR, DATED: 8TH MARCH 2016