Press Release of Governor

GOVERNOR LEH KOHHRAN HRUAITUTE INKAWM - 4th June, 2015

GOVERNOR LEH KOHHRAN HRUAITUTE INKAWM

Aizawl, the 4th June, 2015: Vawiin khan Mizoram Governor Lt. General Nirbhay Sharma PVSM,UYSM,AVSM,VSM (Retd) chuan Raj Bhavan-ah Mizoram Kohhran Hruaitute Committee Member te nen inkawmna an nei. Governor chuan Mizoram in Remna leh Muanna tluantling a neih theihna chhan chu Kohhran, mipui leh ram hruaitute tanhona leh thawhrah a ni, tiin Mizoram chu state dangte tan hemi kawnga entawn tlak a ni chu lawmawm a tih thu a sawi.

Governor chuan Kohhan Hruaitute chu amah thurawn pe thin turin leh mipuite chu a tha zawnga an rilru hruai chhunzawm zel thin turin a chah a, Mizorama khawtlang nun siamthat nana theihtawp chhuah zel turin a ngen bawk a ni. Kohhran hruaitute chuan Mizorama Remna leh Muanna a lo thlen theih nana theih tawp an chhuah thute leh Peace Accord ziah chungchangah pawh dinhmun pawimawh tak an neih thu Governor hi an hrilh.

Governor hmuhna ah hian MKHC Vice President Pu V.L. Bela hovin Kohhran Hruaitu engemaw zat bakah Pu Lalrinliana Fanai, Commissioner, Social Welfare leh Pi Vanlaldini, Director, Social Welfare te an tel a ni.

Governor hi Secretary to Governor Pu Rodney L. Ralte in a tawiawm.

WRITTEN BY K. VANLALSANGI MIS, IPRO