Press Release of Governor

​GOVERNOR PROF JAGDISH MUKHI IN TRIBAL ISSUE CHUNGCHANG OFFICIAL TE SAWIPUI - 12th September 2019

Aizawl, 12th September, 2019 : Governor Sub-Group Meeting atana inpuahchahna kal zela vawiin khan Governor Prof Jagdish Mukhi chuan Social Wefare & Tribal Affairs Department leh Women and Child Development Department hotute chu Raj Bhavan-ah thil pawimawh a sawi pui a. Tun thla chhung hian Delhi-ah, Tribal te hmasawnna leh hamthatna kaihhnawih thilah Chhattisgarh, Odisha, Mizoram, Meghalaya, Assam leh Tripura Governor te chuan Sub-Group Meeting an nei dawn a ni.

He hunah hian Governor Prof Jagdish Mukhi chuan Tribal te ham thatna tur leh hmasawnna tura ruahmanna chungchangah meeting a neih tur thu a sawi a. Social Wefare & Tribal Affairs Department leh Women and Child Development Department official te chu Governor Sub-Group meeting Agenda kaihhnawih thila an hmalakna hrang hrang te a zawt a. Official lam te hian PowerPoint Presentation hmangin Mizoram chhunga Tribal te puala hmalakna leh hamthatna hrang hrangte an tarlang a ni. Governor SubGroup Meeting hi neih thuai tur a nih avangin koh telloh, Tribal Affairs kaihhnawiha hmalakna nei Department dang zawng zawng te pawh thu pawimawh an thlen duh te Governor’s Secretariat-ah thlen thuai turin a hriattir nghal bawk a. Tun thla chhunga Tribal mipui awm tamna deuh state Governor te meeting-ah hian : 5th Schedule hnuaia inrelbawlna chungchang, Tribal Avisory Committee Council din chung chang, Integrated Tribal Development Agency/Modified Area Development Agency(ITDAs/MADA) tihchangtlung chungchang, Tribal culture danglam bikna vawn that, Tribal ram bial chhunga Special Residential School te, Tualchhung mite rawn chunga hmalakna kalpui, Mining Policy leh thil dang pawimawh tak takt e sawiho a ni dawn a ni.

Vawiin meeting-ah hian hun a tepter deuh tawh avangin Tribal Issue huanga hmalakna subject nei tam ber Social Wefare & Tribal Affairs Department leh Women and Child Development Department te chiah koh hman an ni a. Meeting-ah hian Pu K.Lalthawmmawia, Secretary to Governor, Pi Vanlalpianpuii, Director, W&CD, Pi Aileen Vanlalzawni, Director, SW&TA, Pi Donnie, Deputy Secretary, SW&TA leh Official dangte an tel a ni.

Written by: Malsawmsanga, MIS, IPRO Dated: 12th Sep 2019