Press Release of Governor

​GOVERNOR P.S. SREEDHARAN PILLAI IN NATIONAL INTERACTIVE TOUR 2019 KALTE LO HMUAK - 16th December 2019

Vawiin khan 46 Assam Rifles huaihawta kar hnih thanga zin chhuak , zirlai 14 leh zirtirtu 2 telna, Nation Interaction Tour 2019 Team te chuan Delhi, Dehradun leh Mussoorie khawpui a hmun pawimawh te an tlawh hnuah Aizawl an rawn thleng a. Nation Interaction Tour Team te hi Governor P.S. Sreedharan Pillai chuan Loch Hall, 46-Assam Rifles-ah a lo hmuak a. Zirlai zinchhuakte pual hian programme tawi buatsaih a ni nghal bawk a ni.

Governor P.S. Sreedharan Pillai chuan India ram chu hnam chi hrang hrang lungrual taka khawsak dial dialna hmun a ni a. He inpumkhatna atan thil pawimawh tak chu inhriatchian tawnna leh inzahtawnna a ni a ti a. In hrechiang tur leh impumkhatna atan nasa zawka inkalpawh leh intlawhtawn hi thil tul a nih avangin mahni awmna hmun atanga kan zinchhuah tam a, midangte nunphung leh khawsak dan te kan hmuhpui a pawimawh tak zet a ni a ti. Assam Riffles in Mizoram chhunga zirlaite thlang chhuaka Tour a siam thin chu thil lawmawm tak a ni a. Zirlaite tan malsawmna a nih bakah inpumkhatna atana thil tangkai tak a nih avangin buatsaih chhunzawm zel ni se a lawmawm hle ang a ti. Nationa Interactive Tour 2019 a zinchhuak zirlaite chu an vanneih thu sawiin an zinchhunga an thil tawn ten an nunah awmze thui tak a neih tur thu sawiin khua leh tui tana mi tangkai tak ni chhunzawm turin duhsakna a hlan bawk a ni.

Nationa Interactive Tour 2019 a kal te hian December 2 khan Aizawl chhuahsanin Delhi, Mussoorie leh Dehradun-ah te hmun pawimawh tak tak an tlawh a. Vanneihthlak takin Tour Team te hian Indian Military Academy-ah Sipai Officer Passing Out Parade an en thei a. IAS te training-na hmun Lal Bahadur Shashtri IAS Academy te, India leh China ramri vengtu Sipa Training-na hmun, ITBP Academy bakah IFS te traning-na hmun Forest Research Institute te pawh an tlawh a. Lehkhabu ziaktu hmingthang Ruskin Bond pawh an kawm thei hlauh bawk a ni.

Nationa Interactive Tour 2019 Team te lawmna inkhawm Loch Hall a neihah hian Tour Leader Maj. Arjun Thakur leh zirlai 2 te hnen atangin Tour Report ngaihthlak a ni a. Tour buatsaih a nih chungchangah report tawi leh fuihna thu Col. Viplav Tripathi hnen atangin ngaihthlak a ni leh a. Tour a kalte hnenah hian ngaihhruihna thilpek hlan theuh a ni bawk a ni.

Written by: Malsawmsanga, MIS, PRO to Governor Dated: 16th Dec 2019