Press Release of Governor

​GOVERNOR P.S. SREEDHARAN PILLAI IN NAUPANG HUAISEN ICCW’S BRAVERY AWARD DAWNGTUTE LAWMPUI - 11th February 2020

Governor P.S. Sreedharan Pillai chuan vawiin khan Mizo naupang huaisen 3, January thlaa Indian Council For Child Welfare(ICCW) in Bravery Award a hlan te chu Banquet Hall, Raj Bhavan-ah a kawm a. Heng naupang huaisen 3 te hnenah hian Governor chuan chawimawina thuziak leh lawmpuina sumfai a hlan nghal a ni.

Governor P.S. Sreedharan Pillai chuan Mizo naupang huaisen 3 ICCW’ Bravery award la thei an awm chu a lawmawm hle tih a sawi a. Heng Mizo naupang huaisen te hian Mizote chu tunhma atanga hnam huaisen, mahni inngaihtuah hmasa lova tanpui ngai te tanpui nghal thin, thian chhan thih ngam an ni tih a ti lang chiang hle a ni a ti a. Naupang huaisen te hian midangte tan entawn tur ropui tak an siam bakah Mizoram an ti hming tha hle a ni a ni. Vawiin naupang huaisen 3, Governor hnen atanga lawmpuina dawngtute chu : Laliansanga s/o F.Lalruatfela, Kum 18, Phullen, Vanlalhriatrenga s/o Lalhmunsanga, Kum 14, Sairang Dinthar leh Carolyn Malsawmtluangi d/o Zoramthanmawia, Kum 12, Zuangtui Veng te an ni.

Lalliansanga s/o PL Vanlalhruaia chu March ni 29,2018 khan a thian te nen Tuivai luia an kal chu an haw lamah an thian pahnih chu electric hrui chatin a man a. An hnunga tlan Lalliansanga leh Vanlalduhawma te chuan an thian te nun chhan tumin mau ro nen an bei a, Lalruatfela chu boralin Joel Lianthangpuia chu an chhanchhuak a ni. Huaisen lawmman dawng turin Lalliansanga hi thlan a ni a, Vanlalduhawma erawh kum 18 a pelh tawh avangin thlan a ni lo.

F Vanlalhriatrenga s/o F Vanlalhmunsanga, Sairang Dinthar hian naupang tui tla a chhanchhuah avangin huaisen lawmman hi a dawng a. June ni 1,2019 khan Victor Lalhmingmawia chu Sumsi Luiah an tla a, F Vanlalhriatrenga te thianho hian zu hmu hmanin a ni hian tuitla chu a chhanchhak a, CPR a pek hnuah naupang hi a harhchhuak leh a ni. Carolyn Malsawmtluangi d/o Lalsangzeli, Zuangtui Aizawl chuan Mizoram chhim lam khaw pakhata naupang kum 7 misualin a rukbo a chhanchhuah avang leh Police ten a rubotu Zonunsangi an man theihna atana a hnathawh that avangin huaisen lawmman hi a dawng bawk a ni.

Written by: Malsawmsanga, MIS, PRO to Governor                                  Dated: 11th Feb 2020