Press Release of Governor

GOVERNOR P.S. SREEDHARAN PILLAI IN NDA GRADUATE LEH CADET TE A KAWM - 20th December 2019

Vawiin chawhnu khan Banquet Hall, Raj Bhavan-ah Governor P.S. Sreedharan Pillai chuan National Defence Academy atanga Sipai officer rawn training zo tawh leh la training mek Mizo tlangval 5 te a kawm.

Governor hian Pu B.Liansanga, NDA a Sipai officer hna training zo tawh leh NDA a Sipai Officer hna la training mek - Pu Lalrinawma sailo, Pu Malsawmzuala, Pu V.L. Malsawmzuala leh Pu Lalrindika te pual hian Thingpui Ruai a lo buatsaih a. Sipai Officer te hian National Defence Academy a an training dan te leh NDA a inziak tling tura lehkha an zir dan te bakah kawng danga an inpuachahna te an sawi a. Governor chuan Mizo tlangval Sipai Officer a inziak tlingte hi a lawmpui thu sawiin Mizo thalai tam zawkin an hnung rawn zui se a duh thu a sawi a ni. Tunhnaiah India ram pum huapa ngaihsan, National Defence Academy-ah te leh Defence Service dangah te Mizo thalai an rawn tling chho thar chu Mizo thalaite hmasawnna tarlang tu a ni a ti a. India ram pum huap inelna angah te pawh Mizo thalaite an duai bik lo a. Nasa zawka tan kan lak chuan All India Services, Central Civil Services, Defence Services leh hna sang zawkah te Mizo thalai tam zawk kan inziaklut thei a ni a ti.