Press Release of Governor
MAHATMA GANDHI PIANCHAMAH ZAHNA LANTIR - 2nd October 2020
India ram hnampa Mahatma Gandhi piancham 151-naah amah hriatreng nan leh zahna lantir nan India rama State dangte rualin tukin zing dar 7:30 khan Mizoram Larsap, Chief Minister leh Sorkar hotu pawimawh dang ten a lim, SBI Main Branch, Zodin Square-ah parthi an dah.
Larsap Pu P.S. Sreedharan Pillai, Chief Minister Pu Zoramthanga leh Deputy Chief Minister Pu Tawnluia te chuan parthi dah in zahna an lantir a. Legislative Assembly Speaker, Dy Speaker, Minister zawng zawng leh MLA thenkhat te, AMC Mayor bakah Chief Secretary, Additional Chief Secretary, GGP, Aizawl DC leh SP ten zahna pangpar tukin hian an hlan a ni.
Gandhi piancham hi India Sorkar-in ram pum chawlh (National Holiday) atan a a puan awm chhun zing ami a ni a. Kum 2007 khan United Nations General Assembly chuan October ni 2 hi ‘International Day of Non-Violence’-ah an lo puang nghe nghe a ni.
Written by: Emily Lalrinpuii, MIS, PIO to Chief Minister Dated: 2nd Oct 2020