Press Release of Governor

MARTAR TE NI PUALIN GOVERNORIN PU GANDHI ZAHNA PANGPAR DAH 30th January 2019

Aizawl, 30th Jan, 2019 : Vawiin khan India ram pumpuiah India zalenna sualtu Martarte ni hman a ni. He ni pawimawh tak pual hian Mizoram Governor Kummanam Rajasekharan chuan Mahatma Gandhi hlimthla, Kolkata Mizoram House kawta hunchhuah bulah Martarte zahna lantirin Pangpar a dah a ni.

Martarte Ni hi Pu Gandhi thihcham, January 30 apaiangin India ram pumah hman a ni ziah thin a. He mi ni puala Mizoram House kawt a inkhawmna hun buatsaihah hian Governor chuan Zoram mipui zawng zawngte chu India Hnampa Mahatma Gandhi duhdan leh lo suangtuahna anga ram kalsiam siam tur leh hma la chhunzawm zel turin a chah a ni.

Martarte Ni puala inkhawm tawi Mizoram House,Kolkata a buatsaihah hian Governor chu Kolkata Mizoram House Additional Resident Commissioner Pu Lalsangliana leh a thawhpui bakah Mizoram House a thleng, khualzin ten an tawiawm a . Aizawl khawpuiah chuan Martarte ni pual hian Siren chawhma dar 11 khan tihrik niin Siren a rik atanga intanin minute 2 chhung lirthei che vel tihdin a ni a. Sawrkar hnathawkte pawn minute 2 chhung ngawi rengin an hnathawh lai te an chawlhsan lailawk a ni.

 

Written by: Malsawmsanga, MIS, PRO to Governor Dated: 30th Jan 2019