Press Release of Governor

​MHA J.S.( North East) Satyendra Garg in Governor P.S. Sreedharan Pillai kawm - 22nd October 2020

Aizawl, the 22nd October 2020: Pu Satyendra Garg, Joint Secretary( North East), Ministry of Home Affairs chuan vawiiin chawhma khan Governor P.S. Sreedharan Pillai chu Raj Bhavan-ah a kawm a. Tun hnaia Mizoram leh Assam ramria innghirnghona tu dai tura Silchar a Mizoram leh Assam Home Secretary te inbiakna a kaihhruai chungchang te leh a lo kal chhan te a hrilh a ni.

Pu Satyendra Garg chuan nimin khan Silchar a thlen hnuah Mizoram Governor in Union Home Minister Pu Amit Shah hnena ramri chungchanga Lehkha a thawn pawh a hmuh tawh thu a sawi a. Home Ministry chuan ramri buaina hi chinfel thuai a duh a ni a ti. Tlawmngai pawl ten inbiak an duh avangin Chief Secretary in a sawm thu leh chmi avanga rawn kal a nih thu a sawi bawk a ni. Governor hnenah hian Silchar, Assam-ah boruak muanawm tak hnuaia rei tak chhung ama kaihhruaina hnuaiah Pi Lalbiaksangi, Home Secretary, Mizoram leh Home Secretary, Assam ten Ramri chungchanga buaina awm mek chinfel dan tur an sawi ho tih a sawi a. He meeting-ah hian Mizorama rawn lut tur lirthei dan tihtawp chu ngaih pawimawh hmasak ber a nih angin tihhlawhtlin a ni a ti. Ramriah hian boruak sosang thei la ni mahse remna leh muanna a awm thuai a beiseiawm tih a sawi a. Ramri buaina chungchanga Mizorama tlawmngai pawl te hmalakna lawmawm a tih thu sawiin YMA te nen pawh an in hriat that thu sawiin tlawmngai pawl hrang hrangte nen inbiakna tha tak pawh an neih a beisei a ni a ti. Silchar a state pahnihte inbiakna tha taka tang hian state pahnih te inkarah inremna a awm thuai a beisei thu a sawi bawk a ni.

Governor P.S. Sreedharan Pillai chuan Pu Satyendra Garg hnenah hian ramri chungchanga Mizoram sawrkar leh Mizoram mipuite dinna a sawifiah a. He ramri buaina hi Sawrkar laipui kaihhruaina hnuaiah a ranglam a chinfel thuai a tul tih a sawi a ni.

Written by: Malsawmsanga, MIS, Deputy Director Dated: 22nd Oct 2020