Press Release of Governor

​MIZORAM GOVERNOR ATANA LAKLUH BRIG. (DR.) B.D. MISHRA (RETD.) CHUAN STATE MIPUITE CHUNGAH LAWMTHU SAWIIN THAWHHOPUIAH A SAWM - 11th August 2021

Aizawl 11th August 2021: Vawiin khan Brig. (Dr.) B.D. Mishra (Rtd) chuan Mizoram Governor ni tura thutiam chhama lakluh a nih hnuah hetiang hian press statement a tichhuak:-

Governor thar chuan Mizoram mipuite chibai bukin mipuite rawngbawl tura hun remchang siamsak a ni chu lawmawm a ti a. Mizoram hmasawnna tur leh mipuite hamthatna tura thawhhopuiah state mipuite a sawm a ni.

He a press statement-ah hian Brig. (Dr.) B.D. Mishra (Rtd) chuan Mizoram chu state te tak te ni mahse, siamtuin malsawmna haichhuah tur tam tak a dah a. Ram mipuite inpawhtlang leh inthurual tak, remna leh muanna ngaina an ni, a ti a. He ramin theihna tam tak a neihte haichhuak turin mipui thlan ram hruaitute, sawrkar hnathawkte, loneitute, zirtirtute, thilsiamna lama thawktute, ram inrelbawlna kengkawhtute kan pawimawh vek a ni, a ti a. Ram hmasawnna atana thawk tur hian khawi hmunah pawh, eng hunah pawh a inpeih reng tih a sawi bawk.

Mizoram mipuiten thinlung inhawng taka min lo lawm hian min tihlimin in tana theihtawp chhuah turin chona thar min pe a ni, tiin Mizoram Governor thar Brig. (Dr.) B.D. Mishra (Rtd) chuan a press statement-ah hian a tarlang a ni.

Written by: Malsawmsanga, MIS, Deputy Director Dated: 11th Aug 21