Press Release of Governor

MIZORAM GOVERNOR IN AFC FOOTBALL STIPEND SCHEMES 2016 A HAWNG - 12th March 2016

MIZORAM GOVERNOR IN AFC FOOTBALL STIPEND SCHEMES 2016 A HAWNG 

Aizawl 12th March 2016: Vawiin chawhnu ah khan Mizoram Governor Lt Gen Nirbhay Sharma (Retd.) chuan Rajiv Gandhi Stadium, Mualpui tlawh in I-League awm mek a Aizawl FC leh East Bengal inkhel a en a. Inkhel chawlh lawk chhungin Aizawl FC football Stipend 2016 hawngin stipend hi a sem nghal a ni.

Mizoram Governor Lt Gen Nirbhay Sharma (Retd.) chuan thalai te hmakhua ngai a Aizawl FC a rawn penchhuak chu lawmawm a tih thu a sawi a. Football huang chhung leh pawn ah Mizo thalai te chawkphur tur leh an kawng kawhhmuh turin mithilphal te tun aia tam zawk a rawn penchhuak turin a sawm a ni.

Stipend chungchang sawifiah in Pu Robert Romawia Royte, President, AFC chuan AFC football stipend chu football bakah zirna kawnga thalai te tih hmasawnna tura bul tanna a nih thu a tarlang a.

AFC football stipend 2016 hi a vawikhat nan AFC under 15 player ten Governor hnen atangin an dawng a. AFC under 15 team hian Kum in April 18 atang khian Goa ah Under 15 I-League Final round an khel dawn a. AFC Stipend atan hian NECS, Pu Lalthara, Former Chief Secretary, Nagaland, Pu Bishwajit Pathak, HDFC BANK leh Pu Prince Rufus, Jt. CEO, Aizawl FC ten sumfai an thawh a ni.

WRITTEN BY MALSAWMSANGA MIS, IPRO TO GOVERNOR, DATED: 12TH MARCH 2016