Press Release of Governor

​MIZORAM GOVERNOR KUMMANAM RAJASEKHARAN IN PULWAMA MARTARTE ZAHNA CHIBAI BUK - 6th March 2019

Aizawl, 6th March, 2019 : Vawiin khan Circular Lawn, Rajbhavan-ah Pulwama Martar-te zahna lantir nan Fallen Soldier Battle Cross - Silai inphun ding, Sipai Lukhhum khumtir, a bula sipai thuamhnaw dah chu siam a ni a. Circular Lawn a Battlefield Cross hmaah hian Mizoram Governor Kummanam Rajasekharan chuan Pulwama Martar-te zahna lantirin pangpar a dah hnuah zahna chibai a buk a ni.

Pulwama Martar-te zahna chibai a buk hnuah Governor chuan thuchah tawi a sawi a. "Kan tana nunna hlantu CRPF sipai rualte zahna chibai kan buk a. Kan sipai te hi kan pasalthate an ni a. Nitin hmun raltiah hna thawkin khua leh tui te kan himna turin an theihna zawng zawng an hlan thin a. Kan chhuang tak zet a ni. Pulwama Martarte hi kan pasalthate an ni a, kan zingah awm tawh lo mahse kan thinlungah chuan an nung reng tawh dawn a. An huaisenna te hian kan mittui hru hul sela; ram tana kan theihna zawng zawng nen kan hmalam hun kan hman theihna tura chakna min petu ni zawk rawh se. Tun hi lungaia tahna hun a ni lova; chakna thar nen ram leh hnam inpumkhatna leh kan ram tihchak zual atana thawk tura kan zaa intiamthar lehna hun a ni", a ti.

Written by: Malsawmsanga, MIS, PRO to Governor Dated: 7th Mar 2019