Press Release of Governor

​MIZORAM GOVERNOR LEH HEALTH MINISTER TE'N INDIAN RED CROSS SOCIETY, MIZORAM BRANCH DIN THAR DAN TUR SAWI - 21st February 2019

Aizawl, 21st Feb, 2019 : Vawiin chawhma khan Mizoram Governor Pu Kummanam Rajashekharan chuan Raj Bhavan-ah Indian Red Cross Society, Mizoram Branch din thar dan tur Health Minister Dr. R.Lalthangliana a sawipui.

Mizoram Governor Pu Kummanam Rajashekharan chuan Mizoram chu tlangram anih vangin chhiatrupna lo thlengah harsatna tam tak a awm thei a, mipui vantlang ten eitur, damdawi, tui in tur thianghlim leh thildangte an neih kawngah Indian Red Cross Society hian pawimawhna tam tak a nei a, Mizoram-ah pawh din thar leh a tul a ni, a ti a.

Minister Dr. R. Lalthangliana chuan Mizoram Governor hnenah Indian Red Cross Society, Mizoram Branch din thar a lo nih theih nan proposal an siam tur thu a sawi bawk a ni.

Health Minister hi Secretary, Health & Family Welfare (H&FW) Department Pu H.Lalengmawia, Secretary to Governor Pu K.Lalthawmmawia, Principal Director, H&FW Dr. F.Lallianhlira leh midangte'n an tawiawm a ni.

Written by: Dr. Saithantluangi Zote, MIS, IPRO Dated: 21st Feb 2019