Press Release of Governor

​MIZORAM GOVERNOR LEH INDIA AMBASSADOR INKAWM - 5th February 2019

Aizawl, 5th Feb, 2019 : Mizoram Governor Pu Kummanam Rajashekharan leh Indian Ambassador to Azerbaijan Pu Vanlalvawna te chu vawiin khan Raj Bhawan-ah an inkawm.

Mizoram Governor chuan Pu Vanlalvawna chu a awmna tur hmun thar Azerbaijan-ah chuan India tan palai tha tak a nih theih nan duhsakna a hlan a. Mizote kutchhuak, a bikin handloom leh handicraft lam chu phochhuah a nih theih nan tan la zel turin a chah bawk.

Indian Ambassador to Azerbaijan Pu Vanlalvawna chuan Mizoram a cham chhungin Governor bakah Chief Minster, Sports Minister leh Industries & Commerce Minister-te kawm a tum thu a hrilh a. Kumin-ah Azerbaijan khawpui Baku-ah India sorkara Department of Commerce leh Indian Embassy tangkawpin ‘Exhibition - The Best of India Show’ an buatsaih turah ramchhung kutthemthiamthilte phochhuak turin exhibitor 70 vel sawm tum a ni a, hetah hian Mizoram atanga handloom leh handicraft te pawh tel dan tur a ngaihtuah zingah a tel tih Governor a hrilh bawk. Azerbaijan-ah chuan Indian film-te bakah yoga leh India lam (dance) chi hrang hrangte an hriatlar hle thu Pu Vanlalvawna hian a sawi a, sports-ah chuan Boxing an uar hle thu a sawi bawk.

Written by: Mina Zoliani, MIS, IPRO Dated: 5th Feb 2019