Press Release of Governor

​MIZORAM SAWRKAR HNATHAWK INZAWMKHAWM PAWL FMGE&W TEN 7TH PAY CHUNGCHANGA SAWRKAR LAIPUI AN NGENNA GOVERNOR HNENAH THEHLUT - 2nd September 2016

MIZORAM SAWRKAR HNATHAWK INZAWMKHAWM PAWL FMGE&W TEN 7TH PAY CHUNGCHANGA SAWRKAR LAIPUI AN NGENNA GOVERNOR HNENAH THEHLUT

Aizawl, 2nd September 2016: Vawiin chawhma ah khan Mizoram Sorkar hnathawk inzawmkhawm pawl FMGE&W chuan Mizoram Sawrkar hnathawk ten 7th Pay an hman thuai theih nan - State Sawrkar hnena Fund tam zawk pe tura Sorkar Laipui ngenna chu Mizoram Governor Lt Gen Nirbhay Sharma (Retd) hnen ah an thehlut a. Governor hi a lo chhuah hman avangin Governor aiawh in Pu Biaktluanga, Secretary to the Governor chuan FMGE&W Memorandum hi a lo dawng a ni.

FMGE&W Memorandum chungchang chu Governor hnen a thehluh a nih hma hian sawi fiah hmasak a ni a. FMGE&W hruaitute chuan India rama hnathawktu pawl hrang hrang ten 2nd Sept 2016 a hlawh sang zawk leh thil chi hrang hrang ngiata nawrh an huaihawt tur chu zawm ve ngei tura sawmna an dawn thu an sawi a. Sawmna an dawn chu ngaihtuah hmasa in nawrh huaihawt ni hian Nuar zawnga hma la ve lovin, Sorkar Laipui hnenah 7th Pay an hman ve theih nan sum tam zawk Mizoram State tana ruahman sak tura ngenna (Memorandum) chu Mizoram Governor hnenah thehluh ni se an ti a thutlukna an siam tak zawk thu FMGE&W hotute chuan an tarlang a ni.

WRITTEN BY MALSAWMSANGA MIS, IPRO TO GOVERNOR,  DATED: 2ND SEPTEMBER 2016, 11:59 AM