Press Release of Governor

​PRIME MINISTER HOVA VIDEO CONFERENCING BUATSAIH AH MIZORAM LARSAP TEL - 8th March 2021

Aizawl, the 8th March, 2021 : India ram Independence Day vawi 75 lawm dan tur ngaihtuahtu "National Committee for 75th Anniversary of India's Independence Commemoration" chuan vawiin chawhnu dar 2:00 khan a vawikhat nan an Chairman, Prime Minister Narendra Modi hovin Video Conferencing hmangin meeting an nei a. Meeting hi Union Home Minister Pu Amit Shah-a'n kaihruaiin Mizoram Larsap P.S. Sreedharan Pillai pawh he committee ah hian member a nih avangin a tel ve a ni.

Mizoram Larsap chuan P.S. Sreedharan Pillai National Committee ruahmanna hnuaiah Independence Day vawi 75-na hlawhtling taka Mizorama lawm a nih theih nan theihtawp chhuah a nih tur thu sawiin, India zalenna sualtu Mizoram mi leh sa te chu an inpekna leh inhlanna hriatpui nan chawimawina hlan an nih tur thu a sawi bawk.

India Independence Day vawi 75-na hi national level leh international level-ah ropui taka lawm tum a ni a, hemi atana ruahmanna leh inkaihhruaina duang turin "National Committee for 75th Anniversary of India's Independence Commemoration" chu March ni 6, 2021 khan din a ni a. Prime Minister Narendra Modi chu Chairman niin, member 259 an awm a, heng zingah hian President hluite, Chief Justice of India, Lok Sabha Speaker, Sawrkar Laipuia Minister hote, Prime Minister hluite, State hrang hrang Governor leh Chief Minister te, Bharat Ratna awardee te leh sawrkar official pawimawh tak takte an tel a ni.

Written by: Andrew H Lalremruata, MIS, IPRO Dated: 8th Mar 21