Press Release of Governor

War Memorial-ah Vijay Diwas ( Hnehna Ni) 2021 Hmang - 16th December 2021

Aizawl, the 16th December 2021: Tukin zingkarah khan India ram hmundangte rualin Vijay Diwas (Hnehna Ni) puala programme buatsaih chu War Memorial, Treasury Square-ah Governor Hari Babu Kambhampati hovin hman a ni.

He hunah hian Governor Hari Babu Kambhampati in India Sipai huaisen te zahna chibai bukin Martarte thlanah pangpar a dah hmasa ber a. Chief Minister Pu Zoramthanga leh mi pawimawh dang te pawhin Governor hnung zui hian Martarte zahna an lantir a ni.

Home Minister Pu Lalchamliana, Chief Secretary Pi Renu Sharma leh Pu Lalbiakthanga, World War II Veteran leh Padma Shri 2020 dawngtu pawhin War Memorial-ah hian zahna pangpar an dah a. Anni bakah hian Sawrkar hotu pawimawh zual, Sipai Office lian te leh Ex-Services League hruaitute pawh an tel bawk a ni.

Vijay Diwas (Hnehna Ni) hi kumtin December 16-ah India ram pumah hman thin a ni a. Hemi ni hi India sipai ten Indo-Pakistan war of 1971-ah Pakistan laka hnehna an chan ni leh tunhmaa East Pakistan tuna Bangladesh pian chhuah ni hi a ni. He indonaah hian Pakistan sipaite chu tlawm in an awp ram East Pakistan ti a hriat chu Bangladesh tia thlak a ni ta a. He mi tum hian Pakistan sipai lalber (Chief of the Pakistan Forces) General Amir Abdullah Khan Niazi chu a sipai 93,000 zet nen hnuaiah Ramna Race Course tuna SuhrawaryUdyan, Dhaka-ah General Jagjit Singh Aurora kaihhruai allied forces (India sipai leh Mukti bahini) hmaah an in pe a. Hemi ni hi Bangladesh chuan Bijoy Dibos tih hmingpuin an lawm bawk thin a ni.

Written by: Malsawmsanga, MIS, Deputy Director Dated: 16th Dec 2021