Selected Speeches

​MESSAGE OF LT GEN NIRBHAY SHARMA, PVSM, UYSM , AVSM, VSM (RETD), HON’BLE GOVERNOR OF MIZORAM AND LADY GOVERNOR JYOTSNA SHARMA ON THE OCCASION OF MHIP DAY, 2016

Aizawl 6th July 2016: Mizo Hmeihchhe Insuihkhawm Pawl din champha phak a lo thlen hian Mizoram chhung leh pawn lama Mizo hmeichhia zawng te kei leh ka nupui, Pi Joyatsna Sharma te chuan lawmpuina chibai kan buk che u. Mizo hmeichhia te hian Mizoram, Mizo hnam leh india hmasawn nan thiamna leh theihna in nei a. In finna leh thiamna te ram leh hnam tan hlawk taka hmang zel tur in kan duhsakna sang ber kan hlan a che u.

Mihring hian kan lo pian chhuah atangin Hmangaihna te,khawngaihna te, ngilneihna, dawhtheina leh tuarchhelna te nu atangin kan zir thin a. Hmeichhia te ropuina te leh theihna te hi tunhma lam kha chuan hriat leh lawm a hlawh lo mai thei e. Chuti chung chuan hun kaltawh te han thlir let ta I la mihring chanchin ziahna ah chuan hmeichhe ropui te chanchin kan hmu teuh a ni. Hmeichhia te theihna leh thiamna hi mipa te thiamna aiin a nep chuang lo tih hi kan hriat a, kan pawm tlan a tha in ka hria. Tunlai khawvel ah chuan mipa thawh tur bik emaw hmeichhe thawh chi a awm tawh lova, hmeichia leh mipa ten inelna hmun pakhat, a thiam ber zel dinchhuahna hmunah kan inel ho vek tawh a ni.

Khawvel huap ah hmeichhia ten rorel tawh in khawvel ram ropui leh thil ti thei zawkah te pawh ramhruaitu nihna chelhin dinhmun pawimawh ber ber te an luah mek zel tih kan hre theuh awm e. India ram chhunga mihring tamna ber ber state tam takah khuan Chief Minister dinhmun tunge luah mek tih kan en chuan hruaitu nihna tlin tak tak hmeichhia te an ni. Mizoram chhungah ngei pawh sawrkar hnathawk lian deuh te, sumdawng hlawhtling, Municipal Corporator leh nihna pawimawh tak tak chelhtu bakah zirna sang zawka in elna midang te chunga leng kan hmuh chu Mizo hmeichhia te an ni. Tunhnai mai ah khan Mipa tam tak tih theih loh leh tih ngam loh chonna hmachawn in Mizo nula chhuanawm tak chuan khawvel a tlangsang ber, Mount Everest pawh a lawn chhuak hial a nih kha. Kha kha Mizo hmeichhia te theihna san zia ti langtu ni in ka hria.

MHIP din champha phak pual hian Mizo mipui te hnenah ngenna ka siam duh a – taksa pianphunga awm nem zawk, hmeichhia te chunga hleilenna leh hmeichhia te dahhniamna reng reng hi na taka kan do let zel a ngai a. Hmeichhia te zahawmna humhim tur leh an dinhmun chawikan nan hian tun aia nasa zawk a hma kan lak zel pawh a ngai in ka hria. Hmeichhe zahawmna hi mipa tan pawh zahawmna a ni a, kan hmeichhia te zahawmna kan venghim zo lo a nih chuan mipa pawh kan mualpho a ni tih I hria ang u. Hnam anga zahawmna hi hmeichhia te zahawmna kan humhim leh hmeichhia te chanvo kan humhalh that sak danah a in nghat thui hle a ni.

Mizo khawtlang nun ah hmeichhia te an thlamuang in ka hria a, lawmawm ka ti tak zet a ni. Khawtlang inrelbawlna, kohhran rawngbawlna huang ah leh tlawmngai pawl inrelbawlna ah te kan hmeichhia ten dinhmun pawimawh an luah chho mek zel tih hi hriat a nuam a, hnamdang te mithmuh ah pawh a chhuanawm tak zet a ni. Amaherawh chu tun a kan dinhmun hi a hmeichhia te tana duhthusam a ni chuang lova hei aia nasa zawka chawikan an nih theihna atan leh hma an sawn telh telh nan nasa zawka hmalak kan la mamawh tih min pawmpui thei in ka ring. Mizoram hi hmeichhia te tan hmun him, hmeichhe chunga hleilenna rapthlak tak tak awm ve lohna hmun ah siam I tum ang u.

MHIP hian pawl anga an dinchhan, Mizo hnam hmasawnna leh Mizo hmeichhia te hmasawnna atana hna pawimawh tak tak an hnathawh mek te hi hlawhtlin pui ngei se, khawvel hriat ah Mizo hmeichhia te thiamna leh theihna te hi phochhuak zel se tih hi kei leh ka nupui Jyotsna Sharma chuan kan duh tak zet a ni. Mizo hmeichhia te MHIP Day duhsakna chibai vek u le.

WRITTEN BY MALSAWMSANGA MIS, IPRO TO GOVERNOR, DATED: 6TH JULY 2016, 10:09 AM

YMA DAY 2016 PUALA MIZORAM GOVERNOR LT. GEN. NIRBHAY SHARMA, PVSM, UYSM, AVSM, VSM (RETD.) THUCHAH

YMA DAY 2016 PUALA MIZORAM GOVERNOR LT. GEN. NIRBHAY SHARMA, PVSM, UYSM, AVSM, VSM (RETD.) THUCHAH

Young Mizo Association(YMA) Ni Bikah hian Mizoram chhung leh pawn a YMA member zawng zawng te duhsakna chibai ka buk che u a. Vawiin hi Mizo mipui te tan hun pawimawh a ni a, YMA hi Mizo Hnam tan Rohlu a ni tak meuh a ni.

Inkaihruaina tha tak hnuaiah YMA member ten in awmna hmunah theuh Mizo hnam tan tha leh zung, ngaihtuahna te bakah in hun hlu tak te seng in hna in thawk tawh thin a, in thawk chhunzawm zel tih ka hmuh hian ropui ka ti a, he pawl chak tak, YMA a lo awm hi Mizo te tan chuan vanneihna ni in ka hria. National Civil Society Organization(CSO) Award for Best campaign on voters education and awarness leh National Award for Outstanding Service in the field of Prevention of Alcoholism and Substance (Drug) Abuse dawng thei khawp a pawl hmingtha Mizoram in a nei hi a ropui tak tak zet a ni.

Ruihlo, hlemhletna leh hnam hmelma te lakah Mizo hnam venghim zel turin tun aia nasa zawk in pen chhuak ula, tanpui ngai te tanpui kawngah pawh in tha thlah dul chuang suh u.Thangthar lo la awm zel tur a te tan entawn tur hnuchhiah in Mizo hnam ropuina khawvel ah pho chhuak turin ka sawm a che u. Chutih rual chuan thalai pawl in nih angin in thalai pui te tan pawh eizawnna kawng kawh hmuhtu leh kawngdik a hruaitu nih tum theuh ula.Inchhehvel a chengte unau ah siam in hnamdang te pawh thiantha ah siam zel turin ka chah a che u.

Tlawmngaihna, aia upa zah thiam, tanpui ngai tanpui, lusun khawhar thlamuan, YMA hnatlang, thlanmual enkawl bakah sawrkar hmalakna thlawp a hna pawimawh tak tak YMA in a thawk kawp vek thei hi a ropui danglam bik ka ti a, ka rilru min hneh tak zet a ni. Hmun dang a NGO te pawh in YMA kalphung hi hmelhriat in entawn se a hlawk thlak hle in ka ring a ni.

He ni pawimawh tak denchhen a Mizo thalai te ka fuihna chu – midang te el pha turin thiamna leh theihna in nei a, tim hlek lohvin taihmakna nen theihpatawp chhuah phawt rawh u; chutih rual chuan in khawvel tukverh hawn zau erawh a la ngai a ni. Mizo tawng bakah Saptawng, Vaitawng leh hnamdang tawng chi hnih thum tal thiam tum ula, chu chuan in thiamna leh in chhawrtlakna te chu a let tam takin a tipung ngei ang. Midang thiam ang tal kan thiam emaw an aia kan thiam zawk phei chuan tumah kan huphurh ngai lovang tih Mizo thalai ten kan hriat thar leh a ngai a ni.

Mizoram chhung bik a YMA member te tan chona in hma ah ka chhawp duh a –Sairang chin bakah Mizoram chhim lam thlengin Rel a rawn lut dawn a, KMMTTP a puitling thuai anga, border trade a lo phuisui ve leh bawk dawn si a. Chumi hun atan chuan Mizo thalaite hi inlo in peihfel tawh em tih in zawt theuh ula. In lo la inpeih loh chuan hun tam in neih tawh loh avang in inpuah chah mawl mawlh ula, state pawn lam mi hnathawk a rawn lut te aia chhawr tlak zawk leh thiam zawk nih hman ngei hi in tan chona in hmachhawn ngei tura a ka rawn chhawp chhuah chu a ni.

YMA hi Mizo te ta a nih rual in Mizo te tan bakah huang zau zawka hmala turin pawl rintlak a ni tih ka chiang a. YMA member te u, India ram inpumkhat nan te leh NGO dangte tan entawntur hna tha thawk chhunzawm zel rawh u le. Hmalam pan in kal zel rawh u. YMA vul reng rawh se.

WRITTEN BY MALSAWMSANGA MIS, IPRO TO GOVERNOR, DATED: 14TH JUNE 2016

​GREEN MIZORAM DAY 2016-A GOVERNOR THUCHAH - 11.6.2016

GREEN MIZORAM DAY 2016-A GOVERNOR THUCHAH

Kum 2016 Green Mizoram Day ah hian ka nupui nen Mizoram mipuite chibai kan buk a che u.

Kan awmna leilung leh boruak chhe mek in nghawng a neih hi nasa takin kan tuar mek tih hi haider rual loh thil dik a ni a. A siamthatna kawngah Mizoramin hmalakna chhinchhiak tlak tak tak a nei a. Mizoram leilung za zela 90.38% hi ramngaw in a khuh a. Sorkar department hrang hrang te, semi-government department te leh NGO te, zirna in hrang hrang ten thing phun beihpui an kalpui a ni.

Kum 2006 khan programme pawimawh tak mai, Sponsored Tree Planting Programme chu kalpui a ni a. Kum 1999 leh 2015 inkar ah hian Green Mizoram Programme hnuaiah thing tiak 44,05,020 leh Sponsored Tree Planting programme hnuaiah thingtiak 172 phun a ni a. Kuminah hian thing tiak tam zawk phun belh turin hma lak a ni bawk a. Heng hmalakna te hi lawmawm ka ti hle a ni. Hetih rual hian heng thing tiak te hi puitling tura an dam that a pawimawhin chu chu kan ngaih thah hauh loh tur a ni.

Sik leh sa inthlak danglam chak leh boruak lum chak lutuk hi tunlai khawvelin a buaipui a ni a. Ministry of Environment hnuaia National Mission for a Green India(GIM) hnuaiah kan state pawhin chhuan lo awm tur te tana kan leilung boruak chhe tur venghim turin hma a la dawn a. Hemi atan hian theihtawp chhuah turin a kaihhnawih department te leh mipui zawng zawng te ka ngen a ni.

Green Mizoram Day ah hian Mizoram mipuite hmalakna fakawm ka tiin ka lawmpui a. Kan leilung leh a chhehvel boruak chhe tur venhimna kawngah hian lungrual taka ke pen a theihtawp chhuah turin Mizoram mipui zawng zawng te ka ngen a che u.

WRITTEN BY K.LALDINGLIANI, MIS, IPRO

GOOD FRIDAY LEH EASTER SUNDAY PUAL A MIZO MIPUI HNENA GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (RETD) THUCHAH

GOOD FRIDAY LEH EASTER SUNDAY PUAL A MIZO MIPUI HNENA GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (RETD) THUCHAH

Isua Krista hnungzuitute tana hun ropui tak, Good Friday leh Easter Sunday kan hmang tlang leh thei hi lawmawm ka ti a. He ni thianghlim ah hian Mizo mipui te thinlung takin lawmpuina chibai ka buk a che u. Biak in leh hmun hrang hranga he ni thianghlim lawm tute zawng zawng te chu India ram chhung bakah khawvel hmun tin a remna leh muanna a lo awm zel theih nan lo inhlan thar leh theuh se ka duh a ni.

India ram hi sakhaw tih bik neilo, tupawhin eng sakhua pawh a biak theihna a ni a, a ram chhunga chengte mi chi hrang hrang kan nih angin kan sakhaw vawn pawh a in ang vek lo a ni. Kan sakhaw biak te chu lo in ang vek lo mahse, kan inzahsak tawn zel avangin tun thlengin sakhua avanga buaina lian kan tawk lova a lawm awm hle a. Kan ram ropui tak hi a lo ngelnghet zual zel na turin sakhua-na thil ah midang te nek chep lova nun kan zir bakah inngeih tlang taka kan kal ho zel hi a tha ber a ni.

Midang chunga that chhuah, nungcha, thing leh mau chunga ngilneih, thilsual ngaih theihlohna leh Pathian Engkim ti thei a awm tih rinna hi sakhua zawng zawng in an pawm tlan a ni a. Kristian-na in a zirtir ah phei chuan thiltha tih a langsar hle a. Mizoram mipui tam ber in sakhua a neih Kristian-na mite mithmuh ah a lo mawi zual zel nan kawng engkim ah Mizo mipui te chu India state dang a cheng mipui te tan entawn tlak ni chhunzawm tur leh chu mi kawngah chuan hma sawn zel tur in he ni thianghlim, Good Friday leh Easter Sunday Ni pual hian ka sawm vek che u a ni.

Good Friday leh Easter Sunday Chibai ule.

Jai Mizoram!

Jai Hind!

SPEECH OF THE HON’BLE GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (Retd) AT THE SEMINAR ON SMART CITY ORGANIZED BY FLAM AND THE DEPARTMENT OF URBAN DEVELOPMENT AND POVERTY ALLEVIATION ON 8TH MARCH, 2016

SPEECH OF THE HON’BLE GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (Retd) AT THE SEMINAR ON SMART CITY ORGANIZED BY FLAM AND THE DEPARTMENT OF URBAN DEVELOPMENT AND POVERTY ALLEVIATION ON 8TH MARCH, 2016

SPEECH OF THE HON’BLE GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (Retd) AT THE INAUGURATION OF THE REGIONAL AGRI-FAIR, 2016, AT COLLEGE OF VETERINARY SCIENCES & ANIMAL HUSBANDRY, SELESIH, AIZAWL, ON 3rd FEBRUARY 2016

SPEECH OF THE HON’BLE GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (Retd) AT THE INAUGURATION OF THE REGIONAL AGRI-FAIR, 2016, AT COLLEGE OF VETERINARY SCIENCES & ANIMAL HUSBANDRY, SELESIH, AIZAWL, ON 3rd FEBRUARY 2016

SPEECH OF THE HON’BLE GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (Retd) AT THE VIJAY DIWAS FUNCTION HELD AT 39 ASSAM RIFLES GROUND AT 1100 HRS ON 16TH DECEMBER, 2015.

SPEECH OF THE HON’BLE GOVERNOR OF MIZORAM, LT GEN NIRBHAY SHARMA, PVSM, UYSM, AVSM, VSM (Retd) AT THE VIJAY DIWAS FUNCTION HELD AT 39 ASSAM RIFLES GROUND AT 1100 HRS ON 16TH DECEMBER, 2015.

SPEECH OF THE Hon’ble Governor of Mizoram, Lt Gen Nirbhay Sharma, PVSM, UYSM, AVSM, VSM (Retd) AT THE TALK ON “HISTORICAL PERSPECTIVE OF BOUNDARY DISPUTE IN ARUNACHAL PRADESH” NATIONAL DEFENCE COLLEGE NEW DELHI ON 17TH NOVEMBER 2015 (17.11.2015)

SPEECH OF THE Hon’ble Governor of Mizoram, Lt Gen Nirbhay Sharma, PVSM, UYSM, AVSM, VSM (Retd) AT THE TALK ON “HISTORICAL PERSPECTIVE OF BOUNDARY DISPUTE IN ARUNACHAL PRADESH” NATIONAL DEFENCE COLLEGE NEW DELHI ON 17TH NOVEMBER 2015 (17.11.2015)