Governor and Chief Minister discuss enhancement of power generation in Mizoram
Aizawl, the 11th April 2022: Governor Hari Babu Kambhampati and Chief Minister had a meaningful discussion at the Raj Bhavan, Aizawl this afternoon on how to increase power generation in Mizoram through Hydro Electricity and Solar Electricity. The state’s Power Minister Pu R.Lalzirliana also attended this high level meeting.
At the outset, Governor Hari Babu Kambhampati briefed Chief Minister Pu Zoramthanga about his recent meetings at New Delhi with Union Power Minister Shri R.K. Singh and the DoNER Minister Shri G.Kishan Reddy. He thanked Chief Minister Zoramthanga for his dynamic leadership to drive the state toward development and progress despite financial constraints due to the pandemic. The two then discussed top priority sectors of the state at present including the power sector. They discussed the two viable options the state has in this sector i.e. power generation through Hydro-Electricity and Solar Electricity. As invited, Power Minister Pu R.Lalzirliana gave a detailed briefing on the power generation by the state at present, how much is spent to meet the expense on buying power from outside the state, the power generation potential of the states through Hydro-Electricity and Solar Electricity and other important factors to consider in taking these projects in the state.
Promotion of Tourism, improvement of Air Connectivity, adoption of the Mizo traditional medicine with the practice of Ayush medicines, popularisation and enhancement of science subject teaching at higher school level and popularisation of central government welfare schemes to benefit a maximum number of beneficiaries in the state were also discussed.
Written by: Malsawmsanga, MIS, Deputy Director
Governor leh Chief Minister ten Kawlpetha tam zawk siamchhuah dan tur an sawi dun (Mizo)
Aizawl, the 11th April 2022: Vawiin chawhnu khan Raj Bhavan-ah Governor Hari Babu Kambhampati leh Chief Minister Pu Zoramthanga te chuan Mizoram chhunga Kawlpetha tam zawk siamchhuah dan tur chungchang leh thil pawimawh dang te an sawi dun a. He sawihonaah hian Power Minister Pu R.Lalzirliana pawh a tel a ni.
Governor Hari Babu Kambhampati chuan tunhnaiah Mizoram sawrkar hmalakna umzui ngai nia a hriat te bawhzuiin Delhi-ah Central Sawrkar a Minister pawimawh tak tak te a dawr thu Chief Minister Pu Zoramthanga hnenah hian a sawi hmasa a. Central Sawrkar lam pawhin Mizoram sawrkar hmalaknate chu an ngai pawimawh hle nia a hriat thu a sawi a ni.
Chief Minister Pu Zoramthanga pawhin Governor-in a remhriatna leh tha a tih anga thahnem ngai taka central sawrkar hotute a bia chu lawmawm a tih thu a sawi a. Tuna Mizoram sawrkar hmalakna pawimawh zual te Governor hi a hrilh a. Hemi hnu hian Mizoram hmasawnna tura hmachhawp te leh tuna hmalakna kal mek pawimawh tak tak te an sawi dun a ni. Heng zingah hian Power Sector-ah hmalakna liantham deuh kalpui a, tuiluang leh nizung chakna hmanga Kawlpetha tam zawk leh state khamkhawp tur siamchhuah chungchang, project senso hmuh theih dan leh a kaihhnawih dangte uluk takin an sawi a. Hemi chungchangah hian Power Minister Pu R.Lalzirliana pawhin P&E Department Engineer ten chiang zawk zirchianna an nei theih tur thu te, Mizoram chhunga luiluang chakna leh nizung chakna hmanga Kawlpetha siam chhuah theih zat chhutchhuahsa te bakah heng project siamna atan thil tul te a sawi bawk a ni.
Governor leh Chief Minister inkawmnaah hian Tourism Sector tihhmasawnna a tul chungchang te, Thlawhna hmanga inkalpawhna tih hmasawn chungchangte, Higher Education bika Science zirna tih phuisui dan tur te, Mizo pi leh pute atanga ramhmul damdawi kan lo hman than te Ayush huanga sengluh dan tur te sawi a ni a. Central Sawrkar Schemes tam tak mipuiin tam zawkin in an hriat chiana, hamthatna an dawn theihna tur hmalak ngai lai te pawh an sawi bawk a ni.
Written by: Malsawmsanga, MIS, Deputy Director