Close

    Mizoram Larsap Dr.Hari Babu Kambhampati chuan Siaha a tlawh

    Publish Date: December 2, 2021
    Visit to Siaha District

    Aizawl, December ni 2 : Vawiin chawhma dar 10:30Am khan Helicopter hmangin Mizoram Larsap Dr. Hari Babu Kambhampati chuan zan khat riakin Siaha a tlawh.

    Mizoram Governor Dr. Hari Babu Kambhampati hi Circuit House-ah Siaha District a sawm bik ten an lo hmuak a. Circuit House Multipurpose Hall-ah MADC leh Mizoram sawrkar hnuaia official te meeting a neihpui nghal. He meeting-ah hian Pu Kesavan R, IAS, Siaha District Bawrhsap chuan Welcome Speech a sawi zawhah, “Presentation on District Profile” tih thupui hmangin Siaha District dinhmun tlangpui sawina hun a hmang. Pi Apoorva Gupta IPS, Superintendent of Police, Siaha District pawhin “Presentation on Security Scenario” tih thupui hmangin Siaha Police te dinhmun leh chanchin tlangpui sawina hun a hmang ve bawk. Pu N. Zakhai, CEM, MADC pawhin thusawina hun a hmang bawk.

    Mizoram Larsap chuan thu sawiin, Sawrkar laipui in scheme tam tak heng:PMJDY,PMJJBY,PMSBY,APY,PMUY etc.mipui tan a duang a.Heng Scheme te hian mipui hnen a thlen a, mipuiin an chhawr tangkai theih nan mipuite hnena awareness pek bakah chak taka scheme kalpui theuh turin vawiin officer lokal khawm te hi ka ngen a che u a. Mizoram Sawrkar leh MADC hnuaia official te pawhin inlungrual tak leh pheikhai rual takin Siaha District hmasawn nan lo thawk ho zel turin ka chah a che u,a ti.

    Kan Prime Minister zahawm tak Pu Narendra Modi chuan Covid-19 hrileng avanga kan harsatna te hian mahni kut leh ke a dinga, intodelhna kawng min zawhtir tura remchangah i hmang ang u, tiin Atmanirbhan Bharat’ (Self Reliant India-Mahni intodelh) auhla nen min sawm mek a ni. Mi tinin tihhlawhtlin I tum theuh ang u, a ti.Larsap chuan Autonomous Council chungchanga India Danpuiin ka chunga mawhphurhna a dah te chu tha taka hlenchhuah ka tum a ni, a ti bawk.
    Larsap hian Kohhran hrang hrang hruaitute,Political Party hrang hrang hruaitute,Tlawmngai Pawl hrang hrang hruaitute leh MADC hruaitute nen inkawmna hun an hmang bawk.
    Circuit House a inkawmhona an neih zawh hian Larsap chuan Amôbyu Vaithie a Middle school chu mi pawimawh sawmbik te nen an tlawh nghal a. Hetah hian Amôbyu ‘B’ MTP ten Mara hnam lam Solakia an lo entir.
    Mizoram Larsap Dr. Hari Babu Kambhampati hian Siaha-ah zan a riak ang a, naktuk lamah Siaha chhuahsanin Chawngte a pan leh dawn a ni.

    Written by: N. Vabeiratlua, MIS, DIPRO – SIAHA