Visit By Shri Hari Babu Kambhampati, Honorable Governor Of Mizoram To Forward Cobs Of Serchhip Battalion Of Assam Rifles
Champhai, The 2nd February 2023: The forward company of Champhai and Zokhawthar of The Serchhip Battalion, Assam Rifles of 23 Sector Assam Rifles under The Aegis of Igar (East) were visited By Shri Hari Babu Kambhampati, the Governor Of Mizoram On 02 February 2023.
The Honorable Governor was briefed on the aspects of operational preparedness, relentless commitment towards curbing illegal activities in the area of responsibility and nation building measures being carried out by the Assam Rifles in the remote locations.
The Honorable Governor also interacted with the Ex-Servicemen of the area.
The efforts of the Serchhip Battalion of Assam Rifles were lauded by the Honorable Governor who also interacted with the troops of the Battalion.
Written by: Malsawmsanga, MIS, Deputy Director
Governor Pu Hari Babu Kambhampati an Champhai leh a chhehvela Assam Rifles hmunhma, Zokhawthar Land Customs Station leh PMAY-HFA Rural hamthatna dawngtute tlawhin a kawma (Mizo)
Champhai, the 2nd February, 2023: Ni hnih chama Champhai tlawha thang mek Mizoram Governor Pu Hari Babu Kambhampati chuan vawiin khan Champhai leh Zokhawthara Company Operating Base-te, Zokhawthar Land Customs Station, SBI Zokhawthar Branch leh Pradhan Mantri Awas Yojana – Housing for All (Rural) hnuaia hamthatna dawngtu Zokhawthar amite tlawhin a kawm a. India leh Myanmar inrina a lei dawh Indo-Myanmar Friendship Bridge leh Border Pillar-te a tlawh bawk a. Zokhawthar khawtlang hruaitute nen Land Customs Station-ah inkawmhona hun an hmang bawk.
Governor hi Law & Judicial Minister Pu T.J. Lalnuntluanga, Champhai South bialtu MLA ni bawk bakah DC Champhai Pu James Lalrinchhana, SP Pu Lalrinpuia Varte, Assam Rifles hotute leh Official dangten an tawiawm a ni.
Governor Pu Hari Babu Kambhampati chuan ruihhlo leh dan lova thil tih man chhuah kawnga Assam Rifles-te hnathawh leh, khawtlang mipuite hmakhua ngaia an hmalaknate fakawm a tih thu a sawi a. Mizoram Governor anih hnuah Assam Rifles-te hmalakna an hotute leh media kaltlanga a hriat fo thu sawiin, thurualpui dangte nena tang tlanga khawtlang himna kawnga an hmalaknate fakawm a ti a. Ramri ven leh ramri kaltlanga dan lova thih tih do kawnga hmalakna kawnga khawtlang mipuite nena inzawmna tha tak an nei leh, an tana rawngbawl sak kawnga an hmalakna chuan North East mite tana thian tha an nihna a tarlang ni, a ti a. Health Camp an neih thinte, abik takin lung lama harsatna neite enfiah kawnga an hmalaknate chhuanawm a tih thu a sawi bawk.
Ramri kaltlanga insumdawntawnna mumal zawka kalpui turin India lam a inhawn reng thu leh dan anga kalpui turin lehlam an inpeiha hmalak dun a pawimawh thu a sawi a. Khawtlang mipuite leh Assam Rifles-te chu inpawhtlang taka awm a, mamawh an neihte inpawhtlang taka sawiho thin turin a chah a. Zokhawthar khawtlang hruaituten a hnena mamawh an thlen ATM, Health facility tihchangtlun leh tul dangte tihpuitlin anih thuai theih nan a tul angte bawhzuia hma la turin line department official-te a chah a ni.
Law & Judicial Minister Pu T.J. Lalnuntluanga, Champhai South bialtu MLA ni bawk chuan Governor-in a bial chhung ramri depa awm khaw pawimawh tak Zokhawthar a tlawh avangin lawmthu a sawi a; Constitutional Head tlawh chuan rah tha a chhuah ngei a beisei thu a sawi bawk. Land Customs Station (LCS) Zokhawthar chu tun aia changtlung zawk Integrated Check Post (ICP) ah hlankaia tul angte buaipui a tul thu leh, thenawm ram buai lai mah nise boruak ralmuan veleha hma la nghal chat thei tura lo inpuahchah lawk a tul thu a sawi a. Border Trade chungchanga hmalak tawh dante tarlangin, Sawkar laipuia tul angte bawhzui pui zel turin Governor chu a ngen a ni.
Governor hian 42 Assam Rifles hnuaia Company Operating Base (COB) Champhai leh Zokhawthar-te a tlawh a. He hunah hian Lt. Col JS Sodhi, 2nd IC, 42-Assam Rifles Battalion leh a hoten Governor hi lo dawngsawngin ramri ven leh dan lova ramri kaltlanga thil tih ven kawnga an hmalak dante an lo hrilhfiah a ni. Indo-Myanmar border thui tak awmna Champhai District-in India ram tan pawimawhna thuk tak a neih thu leh ramri awlsam taka daikai mai theih a ni leh thenawm ram buai vanga harsatna thlengte an tarlang a ni.
Indo-Myanmar border veng turin Indian Army-te chu 1958 ah dah niin, Assam Rifles ten an kut atang hian 1968 ah mawhphurhna an la a, square kilometre 4,501 a zau an veng a ni. Champhai District chu hmun ralmuang tak anih thu leh intelligence dawn hmanga operation an tih thin thute; Police, Administration, Customs, Excise leh NGO te nen dan lova thil tih do kawngah lungrual taka hmalak ho thin anih thute bakah khawtlang mipuite nen thawhhona tha zawk leh inpawhtlanna vawnnun nan training, sports, health camp leh tul dangte buatsaih anih thin thute an tarlang bawk. Assam Rifles-te hi Champhai District chhung khua 7 ah te an inkulha, Patrolling party 7 leh Vehicle Check Post 8 an nei mek a ni.
Governor hian Land Customs Station (LCS) Zokhawthar pawh tlawhin Superintendent Pu K.M Donglian leh a thawhpuiten an lo dawngsawng a. Ramri kaltlanga sumdawnna leh an hnathawh dante an lo hrilhfiah a. LCS chhunga Banking facility awm SBI Zokhawthar pawh tlawhin Lead District Manager Pu JM Soren leh thawktuten an lo dawngsawng a; Governor chuan bank kaltlanga hamthatna, abik takin social security scheme-te mipuiten an hmelhriata an chhawr tangkai ngei theih nana hma la turin a chah a ni.
Hemi hnu hian Pradhan Mantri Awas Yojana – Housing for All (Rural) hnuaia hamthatna dawngtu Zokhawthar khua ami tlawhin scheme awmzia leh tangkainate a sawifiah a, an hmuh dan leh chhawr tangkai dante a zawt bawk a. BPL family-te tana a thlawna eirawngbawlna gas connection pekna scheme, Pradhan Mantri Ujjwala Yojana (PMUY) hnuaia hamthatna pek anih theih nan a tulte bawhzui turin thuneitute a chah nghal bawk.
Governor Pu Hari Babu Kambhampati chuan vawiin chawhnu dar 3 khan Khawzawl District tlawh turin Champhai a chhuahsan a ni.
Written by: Dr. Lallawmkima Thangluah, MIS, DIPRO – CHAMPHAI